KATAR 2022 | Konfirmohet lëndimi i rëndë i Hernandezit, përfundon aventura e tij në Kupën e Botës
Mbrojtësi i Kombëtares së Francës, Lucas Hernandez, nuk do të paraqitet më në këtë Botëror. Krejt kjo vjen pasi ai këputi ligamentet e gjurit në fillimin e ndeshjes ndaj Australisë, ku u zëvendësua nga vëllai i tij pastaj, Theo Hernandez.
Lucas u lëndua përgjatë ndërtimit të aksionit të golit nga ‘Kangurët’, ku u pa i shtrirë të fushë duke kërkuar ndihmën mjekësore, qysh në minutën e nëntë të takimit.
Faqja Zyrtare e Kombëtares së Francës e ka konfirmuar lëndimin e rëndë(këputje e ligamentit kryqëzor anterior), me ç’ rast konfirmohet edhe mosprezenca e tij në ndeshjet e radhës.
Victime d'une rupture du ligament croisé antérieur du genou droit, @LucasHernandez doit renoncer au Mondial.
— Equipe de France ⭐⭐ (@equipedefrance) November 23, 2022
Tout le groupe lui souhaite le meilleur rétablissement possible 💙#FiersdetreBleus pic.twitter.com/TIgHi3qOPJ
Trajneri i ‘Gjelave’, Didier Deschamps, lëshoi një deklaratë ku shprehi keqardhje për lëndimin e Hernandezit, duke thënë se kanë humbur një element të rëndësishëm të skuadrës.
“Ashtu si i gjithë grupi, më vjen jashtëzakonisht keq për Lucas. Po humbasim një element të rëndësishëm. Lucas është një luftëtar dhe nuk kam asnjë dyshim se ai do të bëjë gjithçka për t'u rikthyer në plan të parë".
Kjo është një tjetër goditje e rëndë për Francën në këtë Botëror, pasi që pak ditë më parë nga grumbullimi i largua edhe fituesi i Topit të Artë, Karim Benzema, pas një shqetësimi të vazhdueshëm që pati në kofshën e tij që mori kulmin një ditë para fillimit të turneut.
Deschamps nuk e zëvendësoi fare në listë sulmuesin e Real Madridit, duke mbetur me 25 lojtarë në grumbullim.
Mungesa të theksuara të kampionit të fuqi nga Kupa e Botës 2018 janë edhe N’Golo Kante dhe Paul Pogba, që para katër vitesh ishin nga më të dalluarit në mos më të mirët në fushën e lojës.
Me lëndimin e Hernandez, tani numri i lojtarëve në dispozicion te Franca zbret në 24 dhe tani nuk ka më mundësi zëvendësimi të lojtarëve.
Franca gjendet e para në grupin D pas fitores së thellë ndaj Australisë me rezultat 4:1, ndërsa ndeshjet e radhës i luan më 26 nëntor me Danimarkën dhe 30 nëntor Tunizinë.
Përcill zhvillimet dhe artikujt e fundit nga botërori duke klikuar KËTU!
