KATAR 2022: Ja pse VAR-i ia anuloi Ekuadorit golin kundër Katarit
Ekuadori mbeti i zhgënjyer kur iu mohua një gol i hershëm në ndeshjen hapëse të Kupës së Botës kundër Katarit.
Gabim i madh nga portieri i Katarit, Saad Al Sheeb, i cili doli për të goditur topin me grusht, por humbi, i dha Ekuadorit një mundësi të artë që përfundoi me Enner Valencian në portën e hapur nga një distancë e shkurtër.
Megjithatë, festimet e Ekuadorit u ndërprenë, pasi VAR ndërhyri dhe më pas u anulua goli për pozitë jashtë loje, por si ndodhi kjo?
Goli u anulua për shkak të një pozicioni jashtë loje, përpara se asisti ndaj Valencias të bëhej nga Felix Torres.
Përsëritjet dukej se tregonin se Michael Estrada i Ekuadorit ishte për pak pozicion jashtë loje kur topi u hodh fillimisht në zonën e penalltisë, me këmbën e tij të paraqitur pak përtej lojtarit të fundit.
