Kaos te Bayern Munich, dështoi të transferonte tre futbollistë në ditën e fundit të afatit kalimtar
Kampioni i Bundesligës, Bayern Munich, e nisi ditën dje me tre synime për ditën e fundit të afatit kalimtar të verës, por përfundoi pa transferimin e asnjërit.
Bayern Munich ishte raportuar se ishte i interesuar për shërbimet e Joao Palhinha, Armel Bella-Kotchap dhe Trevoh Chalobah në ditën e fundit dhe u shpallën si destinacioni më i mundshëm për të tre këta futbollistë. Megjithatë, bavarezët nuk kanë arritur të kryejnë asnjë nga tre nënshkrimet para mbylljes së dritares së transferimit të Bundesligës. Palhinha është mbajtur nga Fulham, Bella-Kotchap i është bashkuar PSV-së në formë huazimi nga Southampton dhe Chalobah do të qëndrojë te Chelsea.
Bayern kishte kërkuar të forconte më tej skuadrën e tyre duke humbur lojtarë si Lucas Hernandez, Ryan Gravenberch, Sadio Mane, Marcel Sabitzer dhe Daley Blind gjatë verës, dhe pavarësisht nënshkrimit të Harry Kane, Kim Min-Jae dhe Raphael Gueirreiro, ata mund të ndihen paksa të mangët, duke kërkuar të fitojnë titullin e tyre të 12-të radhazi në Bundesligë, si dhe suksesin në Ligën e Kampionëve.
Bayern Munich ndeshjen e radhës në Bundesligë do ta zhvillojë kundër Borussia Monchengladbach sot (të shtunën) më 2 shtator në Borussia-Park.
