“Ka ardhur koha” – Marcelo Bielsa emërohet trajner i Uruguait
Marcelo Bielsa është emëruar trajner i ri i Uruguait, njoftoi Federata e Futbollit e këtij vendi të hënën vonë.
Ish-trajneri i Leeds Unitedit ka nënshkruar marrëveshje deri në vitin 2026 me vendin e Amerikës Jugore.
Argjentinasi do ta pasojë Diego Alonson, i cili u largua pasi Uruguai dështoi t’i kalojë grupet në Kupën e Botës 2022 në dhjetor.
“Tifozët po kërkojnë ndeshje dhe emocione. Ka ardhur koha”, shkroi Federata e Futbollit e Uruguait në Twitter, ku e konfirmoi emërimin e Bielsas.
🫡 ¡𝐁𝐢𝐞𝐧𝐯𝐞𝐧𝐢𝐝𝐨, 𝐌𝐚𝐫𝐜𝐞𝐥𝐨!
— Selección Uruguaya (@Uruguay) May 15, 2023
Bielsa asume como técnico de la Selección Mayor. #ElEquipoQueNosUne pic.twitter.com/5kLDD2aqsC
Bielsa, i cili pritet të prezantohet të mërkurën përmes një konference për media, i kthehet punës së trajnerit pas largimit nga Leedsi në shkurt 2022.
Bielsa e ktheu Leedsin në Premierligë pas plot 16 viteve mungesë.
Trajneri 67-vjeçar, i cili ka qenë edhe në Marseille dhe Athletic Bilbao, i ka udhëhequr edhe Argjentinën dhe Kilin në Kupat e Botës 2002 dhe 2010, përkatësisht.
Ai do ta nisë karrierën në Uruguai me dy ndeshje miqësore, kundër Nikaraguas dhe Kubës muajin e ardhshëm.
