Julian Alvarez: Të gjithë duam që Messi të vazhdojë të luajë me Argjentinën
Ylli i Manchester Cityt, Julian Alvarez, dëshiron që Lionel Messi, të vazhdojë të luajë për kombëtaren e Argjentinës për aq gjatë sa ai dëshiron, pasi shikon një përsëritje të sukesesit të arritur në Kupën e Botës 2022.
Sulmuesi i Manchester City udhëhoqi sulmin e Argjentinës me Messin teksa Albiceleste fitoi Kupën e Botës të parën në 36 vitet e fundit në Katar në fund të vitit 2022. Dyshja do të lidhet sërish me skuadrën e Lionel Scalonit në Kupën e Amerikës këtë verë, që mund të jetë 'Last Dance' i Messit me Argjentinën. Megjithatë, Alvarez tha se do të donte që fituesi i tetë herë i Topit të Artë të vazhdonte të luante për vendin e tij.
"Gjithçka varet nga ai, por mendoj se nëse ai dëshiron të luajë ende, këtë mund ta bëjë në mënyrë të rehatshme", tha Alvarez për GOAL. I pyetur nëse ai dhe bashkëlojtarët tjerë duan që Messi të vazhdojë të luajë, ai shtoi: "Po, ne e duam këtë."
Alvarez u rrit duke pasur idhull Messin dhe pranoi se ishte "çmenduri" që ai përfundoi duke luajtur përkrah heroit të tij për Argjentinën. “Kur isha duke u rritur ai ishte idhulli im dhe mbaj mend që në seancat stërvitore me ekipin e parë i kërkova një foto”, shtoi Alvarez. "Dhe më pas kur fillova të luaja me ekipin e parë mora një këndvështrim tjetër. Është diçka e çmendur por edhe shumë e bukur dhe përpiqem të shijoj çdo moment duke luajtur me të. Dhe jam shumë krenar për gjithçka që kemi arritur me ekipin kombëtar në këtë kohë dhe për trofeun që Messi e mori, pasi e kërkoi për shumë kohë."
Messi është golashënuesi më i mirë i të gjitha kohërave të Argjentinës me 106 gola, 50 më shumë se Gabriel Batistuta i vendit të dytë, të cilin e kaloi në vitin 2016. Ai gjithashtu kaloi Batistutën si golashënuesi më i mirë i Argjentinës në Kupën e Botës duke shënuar shtatë herë në Katar.
Alvarez, i cili fitoi gjashtë trofe të mëdhenj midis dhjetorit 2022 dhe dhjetorit 2023, po shikon për akoma më shumë suksese këtë vit. Ai tashmë i ka vendosur synimet që City të përsërisë tripletën e vitit të kaluar me Premierligë, Kupën FA dhe Ligën e Kampionëve, dhe ai është i vendosur që Argjentina të mbrojë me sukses kurorën e saj në Kupë të Amerikës. "Natyrisht që ne do të përpiqemi ta bëjmë përsëri," shtoi ai.
