“Jemi të traumatizuar, gjithçka u shemb”, Hadërgjonaj tregon situatën në Turqi

Mbrojtësi i Kosovës, Florent Hadërgjonaj thotë se kanë mbetur të traumatizuar pas tërmetit në Turqi.

28-vjeçari është pjesë e Kasimpasas, derisa në një intervistë së fundmi për “20min” ka treguar për situatën e rëndë që ndodhi në Turqi.

“Të gjithë janë të traumatizuar. Është një tronditje e madhe. Ekipi ishte pikërisht në mes. Në orën katër të mëngjesit, biseda e ekipit ishte plot me mesazhe që u thoshte njerëzve të largoheshin nga hoteli”.

“Shokët e mi të skuadrës ishin shumë me fat. Gjithçka përreth qytetit ishte shembur. Tërmeti zgjati rreth dy minuta. Ekipi më pas u nis menjëherë për në Adana, rreth 2.5 orë larg, dhe fluturoi për në Stamboll prej andej”, tregon Hadërgjonaj.

Tutje, Hadërgjonaj shprehu ngushëllime për familjet e të prekurve e shpreson që kjo situatë të përmirësohet.

“Ne të gjithë shpresojmë që situata të përmirësohet dhe të qetësohet, që punëtorët e shpëtimit të mund ta bëjnë punën e tyre”.

“Ne të gjithë shprehim ngushëllimet dhe ngushëllimet tona për të prekurit dhe familjet e tyre. Është e tmerrshme”, përfundoi ai.

Deri me tani janë raportuar mbi 6 mijë të vdekur shkaku i tërmetit, derisa ka edhe shumë të tjerë që kanë mbetur nën rrënoja.