“Ishte e tepërt” - Mbappe kritikon tifozët e Milanit për pritjen ndaj Donnarummës
Ylli i Paris Saint-Germain, Kylian Mbappe, i ka dalë në krah shokur të skuadrës, Gianluigi Donnarumma, duke thënë se ishte e tepërt se çfarë tifozët e Milanit kishin përgatitur gjatë ndeshjes në Ligë të Kampionëve, që u zhvillua në San Siro.
Rikthimi i Donnarumma në San Siro me Paris Saint-Germain të martën në mbrëmje përfundoi me një humbje 2:1, me portierin italian që u transferua në klubin francez në vitin 2021 si një transferim i lirë pas skadimit të kontratës së tij me kuqezinjtë. Lëvizja e tij te PSG ngjalli shumë polemika, me raportet që sugjerojnë se ai tani fiton 10 milionë funte (12 milionë dollarë) në vit në Paris. Mbështetësit e Milanit e kanë akuzuar Donnarumma se ka braktisur klubin e tij të fëmijërisë për më shumë para dhe i kanë bërë atij një pritje armiqësore gjatë ndeshjes së Ligës së Kampionëve. Madje ultrasit hodhën para të rreme me fytyrën e Donnarummas, duke e pagëzuar atë 'Dollar-umma'. Mbappe ndjeu se abuzimi i drejtuar ndaj shokut të tij të skuadrës në PSG ishte i tepruar dhe shprehu zhgënjimin e tij që nuk ishte në gjendje ta mbronte atë.
“U bë shumë zhurmë dhe i bënë Gigio një pritje mjaft të vështirë. Mendoj se ishte pak e tepërt, por ja që, ky është futbolli në ditët e sotme”, tha ai për TeleLombardia. “Tifozët bëjnë atë që duan, ne nuk mund ta dimë se çfarë ndjejnë brenda. Ne e mbrojtëm Gigion aq sa mundëm dhe na vjen keq për të këtë mbrëmje.”
Milani mori tre pikët para një turme të egër në San Siro, falë golave të Rafael Leao dhe Olivier Giroud. Milan Skriniar i PSG-së kishte hapur rezultatin, por uria e Milanit për të fituar bëri diferencën në fund. Fitorja e tyre hapi garën e kualifikimit në Grupin F, me Borussia Dortmund dhe Newcastle United gjithashtu ende në garë për dy vendet e para.
