Ish-ylli i Chelseat zbulon trajtimin e tmerrshëm që iu bë nga Sarri
Ish-mesfushori i Chelseat, Danny Drinkwater kritikoi mënyrën si e trajtoi Maurizio Sarri gjatë kohës së tyre në 'Stamford Bridge'.
32-vjeçari foli pasi u lirua nga Chelsea, tek i cili ishte transferuar në vitin 2017. Ai bëri vetëm 23 paraqitje në të gjitha garat, me të fundit që kishte ardhur në vitin 2018.
Sarri zëvendësoi Antonio Conten atë sezon dhe Drinkwater u hap rreth mënyrës si trajneri aktual i Lazios i tha se nuk e dëshironte më.
Ai u shpreh për 'Sky Sports': "Erdhi ora e fundit e afatit kalimtar dhe unë ftohem në zyrë, krejtësisht papritur.
"'Mos mendo se do të jesh pjesë e planeve tona'. Ky është Sarri teksa po përkthehej nga [asistenti Gianfranco] Zola. Dhe unë mendova 'çfarë?'
“Unë dhe Sarri kaluam si në një shtëpi në zjarr jashtë fushës. Në fushë ishim si shkumësi dhe djathi. Po i thosha – ‘pse po më thua tani? Një orë para mbylljes së afatit kalimtar? Më duhet kohë'. Ai u përgjigj: 'Jo, jo, kemi klube jashtë vendit që mund t'i konsiderosh...'
"Reagimi im ishte - 'jo, e kam djalin e ri. Ai është prioriteti im'. Kështu që vendosa të qëndroj deri në janar".
Drinkwater ishte transferuar nga paraardhësi Conte, vetëm 12 muaj pasi luajti rol kyç në triumfin sensacional të Leicester Cityt në Premier Ligë.
Mirëpo, pas largimit të Contes në verën e vitit 2018, ai nuk bëri asnjë paraqitje për klubin, pavarësisht se mbeti nën kontratë edhe për katër vite.
Ai bëri një paraqitje gjatë huazimit te Burnley, pastaj luajti katër herë sa ishte tek Aston Villa.
Drinkwater po ashtu u paraqit 11 herë për klubin turk, Kasimpas më 2021/22 dhe bëri 24 paraqitje për klubin nga liga e dytë angleze.
