Ish-ylli i Barcelonës kërkon të lirohet me kusht pasi u dënua për sulm seksual

Ish-ylli i Barcelonës, Dani Alves, ka kërkuar lirim me kusht nga burgu, pasi ai pret ende për vendimin final në rastin e tij, ku fillimisht u dënua me katër vite burgim për sulm seksual.

Alves u dënua me katër vjet e gjashtë muaj burg në shkurt pasi u shpall fajtor për sulm seksual. Ish-reprezentuesi brazilian ka apeluar dënimin dhe ka kërkuar që të lirohet me kusht në një seancë. Alves ka pretenduar se do të qëndrojë në Spanjë nëse lirohet, por prokurorët kanë argumentuar se ai përbën një rrezik të lartë për ikje, siç raportohet nga El Pais.

Ai tha në një seancë për lirimin me kusht: "Unë besoj në drejtësi. Nuk do të ik dhe do të jem në dispozicion të gjykatës deri në fund".

Avokatja e Alves, Ines Guardiola gjithashtu ka argumentuar që ish-ylli i Barcelonës të lirohet me kusht, duke theksuar se ai ka një shtëpi dhe rrënjë të thella në qytet pasi luajti për klubin midis viteve 2008 dhe 2016 dhe më pas u kthye për një kohë të dytë në vitin 2021. Yllit të turpëruar iu mohua lirimi me kusht përpara se të dënohej në shkurt, pasi u konsiderua si një "rrezik për ikje".

Gjykatësit pritet të vendosin së shpejti nëse Alves mund të lirohet me kusht. 40-vjeçari ka kaluar tashmë 14 muajt e fundit në burg pasi u arrestua fillimisht në janar të vitit 2023.