Ish-sulmuesi i Italisë thotë se Conte e ka në karakter të përplaset me të gjithë
Trajneri i shkarkuar nga Tottenhami pas deklaratave bombastike, Antonio Conte, është mësuar të përplaset me të gjithë dhe kjo gjë është në karakterin e tij, sipas legjendës së Italisë, Christian Vieri, i cili nuk u befasua aspak për shkarkimin e tij.
Një deklaratë pas barazimit ndaj Southamptonit, që u dok se po sulmonte pronarin, Daniel Levy dhe lojtarët e skuadrës ishte ‘mollë sherri’, e cila thuhet se ndikoi më së shumti në shkarkimin e Contes.
Spekulimet mbi emrin e tij tashmë ishin pjesë e raportimeve ditore që nga fillimi i sezonit, me ankesat e Contes, që vazhdimisht kërkonte lojtarë të rinj në afate kalimtare, në mënyrë që të sillte rezultate.
Vieri, i cili dikur luante përkrah Contes te Juventusi, thotë se italiani nuk do të arrinte të qëndronte kurrë deri në fund, pasi karakteri i tij shpërthyes nuk ia lejon një gjë të tillë.
“Antonio është mësuar të përplaset me të gjithë, është karakteri i tij. Nëse një klub i punëson atë, ata nuk duhet të presin që ai të kënaqet me diçka. Ai është person i ashpër dhe shumë kërkues. Është shumë e rëndë ta kesh atë në klub, të lë pa gjumë. Ai dhe Mourinhho janë si çekiçët dhe kërkojnë të nxjerrin më të mirën nga secili në çdo kohë.”
Pasi u bë publike shkarkimi i Contes, sulmuesi i Tottenhamit, Dejan Kulusevski, doli në mbështetje të klubit për vendimit e marrë. Gjithashtu Pierre-Emile Hjojbjerg shprehu paknaqësistë e tij me ofendimet e Contes pas përballjes ndaj Southamptonit.
Ndihmësi i Contes, Christian Stellini, do të jetë në krye të skuadrës deri në përfundim të sezonit, me një përballje vendimtare të londinezëve me Evertonin që zhvillohet të hënën.
