Ish-presidenti i Juventusit Agnelli dënohet edhe për 16 muaj tjerë në gjyqin e dytë të FIGC-së
Ish-presidenti i Juventusit, Andrea Agnelli, është pezulluar edhe për 16 muaj të tjerë si dhe është dënuar me 60 mijë euro në gjyqin e dytë të Federatës së Italisë (FIGC).
Ndryshe nga Juventusi, ish-presidenti refuzoi një marrëveshje për pranimin e fajësisë me prokurorin Giuseppe Chiné në fund të majit në një gjyq të dytë të FIGC-së që shqyrtonte të ashtuquajturat manovra pagash, marrëdhëniet me agjentët dhe klubet e tjera.
Agnelli zgjodhi të shkonte në gjyq, por rezultati nuk ishte i kënaqshëm pasi ai u pezullua për 16 muaj të tjerë dhe mori një gjobë prej 60,000 eurosh, konfirmoi FIGC të hënën.
Ish-presidenti i zonjës së vjetër kishte marrë tashmë një pezullim dy-vjeçar në gjyqin e parë të FIGC në lidhje me vlerat e transferimit të fryra artificialisht të Juventusit. Juventusit iu hoqën 10 pikë në gjyqin e parë, por u shpëtuan sanksioneve të tjera sportive në të dytin, duke marrë një gjobë prej mbi 700,000 euro pas një marrëveshjeje për pranimin e fajësisë.
Agnelli dha dorëheqjen si President i Juventusit në fund të vitit 2022 së bashku me pjesën tjetër të bordit të drejtorëve.
Klubi dhe të tjerët janë distancuar nga ish-presidenti përmes një marrëveshjeje për pranimin e fajësisë me FIGC, kështu duke u larguar nga projekti i Superligës, ku Agnelli ishte një nga arkitektët kryesorë.
