Irani e dënon Cristiano Ronaldon me ’99 goditje me kamxhik’

Siç raportohet në mediat lokale, Irani e ka dënuar yllin e futbollit botëror, Cristiano Ronaldo, me 99 goditje me kamxhik, me akuzën e tradhtisë bashkëshortore.

Ylli i Al Nassr u takua me piktoren iraniane Fatima Hamami, e cila është 85 për qind e paralizuar dhe një tifoze e përkushtuar e tij, kur portugezi po udhëtonte me skuadrën saudite gjatë ndeshjes së tyre në Ligën e Kampionëve AFC kundër Persepolis në Iran muajin e kaluar.

Ronaldos iu dhurua një pikturë e tij nga artistja dhe vazhdoi ta përqafoi atë teksa pozonin për një foto.

Sipas Mundo Deportivo, një numër avokatësh në Iran kanë paraqitur një kallëzim penal për përqafimin, pasi prekja e një gruaje që nuk është gruaja juaj shihet si tradhti bashkëshortore në atë vend.

Në raport thuhet se sistemi gjyqësor ka vepruar me shpejtësi dhe ka dënuar 38-vjeçarin me 99 goditje me kamxhik.

Heroi portugez nuk do të duhet të kthehet në Iran gjatë fazës së grupeve të kësaj gare, por përparimi në raundin tjetër mund t'i shohë ata të takohen me një klub nga Irani dhe të rezultojë që skuadra saudite të duhet të bëjë një vizitë tjetër.

Sipas raportit të çuditshëm, Ronaldo mund të arrestohet dhe të detyrohet të mbajë dënimin nëse ai shkel përsëri në tokën iraniane.