Inzaghi refuzoi ofertën luksoze për t’u bërë trajner i Ronaldos te Al Nassr

Trajneri i Interit Simeone Inzaghi thuhet se ka refuzuar një ofertë masive prej 20 milionë eurove plus bonuset për të drejtuar Al Nassr e Cristiano Ronaldos.

Sipas ekspertit të transferimeve Alfredo Pedulla, tekniku italian mori një ofertë shumë të lartë financiare nga klubi i Arabisë Saudite.

Sidoqoftë, oferta menjëherë u refuzua shkaku që Inzaghi është duke kompletuar detajet e fundit për të rinovuar me Interin deri më 2026.

Ish trajneri i Lazios pritet të fitojë 6.5 milionë euro për sezon te Interi, që do ta bëjë një ndër trajnerët më të paguar në Serie A, mirëpo është vetëm çereku i asaj që do të fitonte te Al Nassr.

Duke arritur ta fitojë titullin e parë në Serie A, ndërsa një vit më parë arriti në finalen e Ligën e Kampionëve, Inzaghi është mese i bindur për të qëndruar te “Neurazzurët”.

Te Al Nassr përpos Cristiano Ronaldos, Inzaghi do të ribashkohej edhe me mesfushorin Marcelo Brozovic, megjithatë ka preferuar të vazhdojë punën në “San Siro”.