Henry e paralajmëron Mbappen: Te Real Madridi nuk ke shumë kohë për t'u adaptuar
Ish sulmuesi Thierry Henry e ka këshilluar Kylian Mbappen ta gjejë sa më parë formën te Real Madridi sepse klubi madrilen nuk të jep shumë kohë.
Francezi po vazhdon të kritikohet vazhdimisht për formën te “Los Blancos”, ndërsa dje u la nën hijen e Vinicius Jr, i cili realizoi het-trik në përmbysjen e madhe të Realit 5:2 ndaj Dortmundit.
Henry, i cili ka analizuar te “CBS Sports” tha se Mbappe po hasë në vështirësi shkaku i pozitës, por që nuk ka shumë kohë për ta gjetur formën.
“Ai duhet të pajtohet me faktin se është lojtar i Real Madridit. Është shumë vështirë, por shkon me fanellë. Duhesh të pajtohesh disi”.
“A po luan lojën më të mirë që e pamë te PSG-ja? Jo. Ka shumë për të mësuar dhe e di se është e çuditshme për ta thënë, ose luaj si një numër nëntë më mirë. Prandaj është shumë vështirë për të për momentin”.
“Të shënosh gola nuk është e mjaftueshme për këso lloj klubi. Do ta luaj avokatin e djallit. Gjithnjë themi se duhet kohë për t’u adaptuar në klubin e ri, por fatkeqësisht, kur e mban këtë fanellë, nuk ke shumë kohë”, paralajmëroi Henry.
"We usually say it takes time for a player to adapt to a new club... But unfortunately, when you wear that jersey they don't give you a lot of time."
— CBS Sports Golazo ⚽️ (@CBSSportsGolazo) October 22, 2024
Thierry Henry discusses Kylian Mbappé’s early days at Real Madrid and what it takes to thrive at the Bernabéu 👀 pic.twitter.com/peQFAr9g7k
Në 13 ndeshje, Mbappe tashmë ka shënuar tetë gola por që të gjithë po presin ta shohin formën që kishte te ish klubi francez.
