Guardiola: Do ta fitojmë sërish Premierligën
Trajneri Pep Guardiola beson se Man City do ta fitojë sërish Premierligën, këtë herë për të pestin vit radhazi.
“Qytetarët” janë favorit ani pse renditen në pozitën e tretë, prapa Liverpoolit dhe Arsenalit.
Guardiola iu ka dhënë një mesazh të qartë rivalëve, duke iu bërë me dije se nuk ka fare dyshime se do ta fitojnë titullin e kampionit anglez.
“Ndjenja ime tani është se ne do ta fitojmë prapë Premierligën”.
“Nëse luajmë në nivelin që treguam ndaj Liverpool dhe Tottenham, atëherë e fitojmë sërish titullin”.
“Njerëzit nuk besojnë pas tre barazimeve, mirëpo ne mendojmë se do t’ia dalim sërish duke e ditur që s’është e lehtë sepse askush nuk e ka bërë (katër vite radhazi)”.
“Vështirësitë janë aty dhe kishte edhe vitin e kaluar, por nëse më pyet tani atëherë mendoj se e fitojmë sërish”, tha ai në konferencë për shtyp.
Pas barazimit me Tottenham, tani skuadra e Guardiolas do të përballet me Aston Villan para se të zhvillojë ndeshjen e fundit të fazës së grupeve në javën tjetër në Ligën e Kampionëve.
