“Granit Xhaka është në krye të ligës tënde”, tifozët e Arsenalit e “thumbojnë” Harry Kane

Tifozët e Arsenalit i kanë kujtuar sulmuesit Harry Kane se Bayer Leverkuseni po e fiton titullin në Gjermani përmes mesfushorit shqiptar Granit Xhaka.

Arsenal zhvilloi një paraqitje të mirë ndaj Bayern Munichut, por që arriti vetëm një barazim 2:2, me Kane që shënoi golin e dytë për gjigantin gjerman.

Pas ndeshjes, Kane u intervistua për “TNT Sports”, mirëpo tifozët vendas s’e lejuan aq lehtë duke kënduar për ish futbollistin e tyre Granit Xhaka, që po shkëlqen te Leverkuseni.

“Granit Xhaka është në krye të ligës tënde”, dëgjohen duke kënduar vazhdimisht tifozët londinez.

Përballja kthyese mes Bayern Munichut dhe Arsenalit do të zhvillohet në “Allianz Arena” pas një jave, me të dy skuadrat që synojnë një vend në gjysmëfinale.

Kujtojmë, fituesi i kësaj përballje do të luajë ndaj fituesit të çerekfinales tjetër Real Madrid – Manchester City.