Gosens: Dua të luaj më shumë, nuk po kaloj kohë të lehtë
Anësori gjerman, Robin Gosens, luajti një rol kyç për Interin në barazimin 3:3 me Barcelonën mbrëmë në Camp Nou, ku shënoi një gol. Ai pas ndeshjes tha se dëshiron të luajë më shumë në këtë skuadër edhe pse nuk po kalon kohë të lehtë në nivel personal.
Mbrojtësi 28-vjeçar gjerman hyri nga banka rezervë në minutën e 76-të të ndeshjes së mbrëmshme në Ligën e Kampionëve, duke zëvendësuar Hakan Calhanoglu dhe shënoi atë që mendonte se ishte goli i fitores në minutën e 89-të të ndeshjes, por një gol i Robert Lewandowski do të gjente barazimin në kohën shtesë, por gjithsesi ishte një mbrëmje pozitive për Gosens dhe Inter.
Duke folur për Sport Mediaset pas ndeshjes, Gosens komentoi disponimin e tij pas golit ndaj Barcelonës.
“Patjetër që ambicia ime është të luaj më shumë. Nuk po kaloj lehtë në nivel personal, por jam duke punuar shumë dhe jam shumë i lumtur që kam qenë në gjendje të ndihmoj ekipin.”
Ai foli për zhgënjimin e pësimit në kohën shtesë, duke i hequr mundësinë e fitores zikaltërve.
“Nga njëra anë jemi të kënaqur me rezultatin, por nga ana tjetër, kur mbeten pesë minuta dhe e ke rezultatin në dorë, dëshiron të sjellësh tre pikët.
“Ne e dimë se Barcelona është gjithmonë e aftë të shënojë gola me një sulmues si Lewandowski, por ne pamë një skuadër të shkëlqyer, Inter. Ne vuajtëm, por luajtëm një lojë me shpirt të madh.”
28-vjeçari Gosens nuk e ka pasur të lehtë që kur iu bashkua Interit në janar të këtij viti. Gjermani mbërriti me një dëmtim të kofshës dhe luftoi për minuta të vazhdueshme pasi u rikthye sezonin e kaluar. Këtë sezon, ai ka bërë vetëm një fillim në Serie A, kryesisht duke bërë paraqitje të shkurtra nga banka rezervë.
