Goditje e madhe për Chelsean, Wesley Fofana detyrohet t’i nënshtrohet operacionit

Wesley Fofana do të jetë për një kohë jashtë fushës së futbollit, pasi futbollisti është detyruar t’i nënshtrohet një operacioni të ACL-së (ligamenti kryqëzor i gjurit, pjesa e përparme). Kjo është një goditje e madhe për Chelsean në prag të fillimit të sezonit të ri.

Chelsea e konfirmoi lajmin në një deklaratë të martën, ku shkruhej: “Mbrojtësi Wesley Fofana i është nënshtruar një operacioni të rindërtimit të ACL-së.

"22-vjeçari nuk udhëtoi në Amerikë për turneun parasezonal të klubit për shkak të vlerësimeve mjekësore të specializuara, të cilat për fat të keq konfirmuan se do të kërkohej një operacion. Wesley tani do të fillojë shërimin e tij dhe do të punojë me departamentin mjekësor të klubit në Cobham gjatë fazës së tij të rehabilitimit”.

Kjo është e fundit në një seri të gjatë dëmtimesh për Fofanën. Ai humbi një pjesë të konsiderueshme të sezonit 2021-22 të Leicesterit me një këmbë të thyer dhe ka kaluar më shumë kohë në dhomën e trajtimit që nga përfundimi i transferimit të tij me para të mëdha te Chelsea në verën e 2022, duke bërë vetëm 15 paraqitje në Premierligë për të kaltrit në sezonin e kaluar.

Mungesa e tij mund ta detyrojë klubin të hyjë në treg për një qendërmbrojtës këtë verë, megjithëse mund të lehtësojë gjithashtu ngjitjen e të riut Levi Colwill në ekipin e parë për sezonin e ardhshëm nën drejtimin e trajnerit të ri Mauricio Pochettino.

Mbrojtësi tashmë do të kalojë një proces të gjatë rehabilitimi, me qëllim që të rikthehet në fushë sa më shpejt të jetë e mundur.