Goditet rëndë Arsenali, Bukayo Saka mungon deri në mars
Bukayo Saka i është nënshtruar një operacioni për një dëmtim të kofshës dhe do të jetë jashtë fushës deri në mars, siç konfirmoi trajneri i Arsenalit, Mikel Arteta.
23-vjeçari pësoi një çarje në muskulin e këmbës së djathtë gjatë pjesës së parë të fitores 5:1 të së shtunës së kaluar në Crystal Palace.
“Ai kishte një operacion, gjithçka shkoi mirë”, tha Arteta në një konferencë shtypi pas fitores së Arsenalit ndaj Ipswich. “Por për fat të keq ai do të jetë jashtë për shumë e shumë javë”.
I shtyrë më tej për të sqaruar një kornizë të saktë kohore, Arteta tha: "Unë thashë 'shumë javë' kështu që mendoj se do të zgjasë më shumë se dy muaj. Nuk e di saktësisht se sa më shumë. Mendoj se do të varet nga mënyra se si indi fillon të shërohet në javën e parë, le të shohim për më shumë."
Topçinjtë fituan me vështirësi në mungesë të Sakas, pasi goli i Kai Havertz në minutën e 23-të nga afër ishte i mjaftueshëm për ta çuar skuadrën e Artetës në vendin e dytë, gjashtë pikë larg liderit të Premierligës, Liverpool.
Arteta ishte më optimist për prognozën e Raheem Sterling pasi Arsenali fillimisht kishte frikë se anësori do të mungonte për një periudhë të gjatë për shkak të një problemi në gju.
"Lajmet për Sterling mendoj se janë më të mira," tha ai. "Ne duhet të shohim këtë javë se si ai evoluon, por ne prisnim që dëmtimi i gjurit të zgjaste ndoshta më shumë sesa mënyra se si gjuri ka evoluar ditët e fundit. Kjo është mirë sepse ne kemi nevojë për të."
