Gjyqtarët e ndeshjes Man United – Wolves pezullohen për javën e dytë
Gjyqtarët e ndeshjes Manchester United – Wolverhampton, janë pezulluar për javën e ardhshme, pasi nuk dhanë një penallti kundër djajve të kuq, kur Andre Onana e shkaktoi atë.
Wolvesit iu mohua një penallti në minutat e vona në humbjen e tyre 1:0 ndaj United në Old Trafford të hënën, pavarësisht se portieri Andre Onana u pa qartazi që pengoi sulmuesin Sasa Kalajdzic. Trajneri Gary O'Neil ishte i zemëruar për vendimin dhe tha se Jon Moss, menaxheri i gjyqtarëve në Professional Game Match Officials Limited (PGMOL), i tha atij se kjo ishte një goditje e hapur, ndërsa shefi i PGMOL, Howard Webb raportohet se kontaktoi Wolves për të kërkuar falje për gabimin. Tani, gjyqtari Simon Hooper dhe Michael Salisbury, të cilët ishin në detyrë në VAR, nuk do të përfshihen në emërimet e gjyqtarëve për ndeshjet e fundjavës së ardhshme në Premierligë. Asistenti i VAR-it, Richard West, gjithashtu është pezulluar.
Kjo është hera e dytë që Salisbury pezullohet këtë vit, pasi në prill, ai vendosi të mos i akordojë Brightonit një penallti në humbjen e tyre të diskutueshme 2:1 ndaj Tottenhamit. Webb foli para sezonit për dëshirën e tij për të rritur standardet dhe për të reduktuar gabimet e profilit të lartë, por një gabim i madh ka ndodhur tashmë në javën hapëse.
Dy zyrtarët do të duhet të presin dhe të shohin se kur do të lejohen të gjykojnë sërish ndeshje. Salisbury ishte hequr më parë nga detyrat e VAR për më shumë se tre javë pas gabimeve të tij në ndeshjen e Spurs.
