"Gjithmonë një Gooner" - Merino e rikrijon foton e fëmijërisë pas transferimit te Arsenali
Mikel Merino është bërë lojtari më i ri i Arsenalit, pasi orë më parë nënshkroi kontratën me Topçinjtë, teksa tani ai ka rikrijuar një foto të fëmijërisë, duke e përcjellur me një mbishkrim 'Gjithmonë një Gooner'.
Mesfushori i është bashkuar Topçinjve nga Real Sociedad për një tarifë që mund të arrijë në 31.6 milionë funte (37.4 milionë euro / 41.8 milionë dollarë). Ky transferim i jep fund një sage mjaft të gjatë, me Merinon duke u bërë nënshkrimi i tretë i Arsenalit në këtë verë pas ardhjes së David Raya dhe Riccardo Calafiori.
Arsenali njoftoi lëvizjen duke shpërndarë pamjet e Merinos duke u prezantuar me kolegët e tij të rinj nga Mikel Arteta. 28-vjeçari më pas iu bashkua duke postuar një seri imazhesh ku ai rikrijoi fotot e fëmijërisë nga viti 2005, ku ai shihet i veshur me fanellën e Arsenalit në shtëpi 2004-05. “Gjithmonë një Gooner”, ka shkruar Merino postimin e tij.
Merino ka përvojë në Premierligë, duke iu bashkuar Newcastle United në huazim në vitin 2017 përpara se kalimi nga Borussia Dortmund të bëhej i përhershëm. Spanjolli bëri 25 paraqitje në total për Magpies përpara se të nënshkruante për Real Sociedad në 2018.
Merino nuk ka humbur kohë për t'u bashkuar me shokët e tij të rinj, ndërsa Topçinjtë përpiqen të bëjnë rrugëtim më të mirë se dy sezonet e mëparshme dhe të fitojnë titullin e Premierligën për herë të parë që nga sezoni 2003-04.
