Frikë te Real Madridi dhe në kampin e Anglisë, Bellingham mund të mos luajë për tre muaj
Ylli i Real Madridit, Jude Bellingham, vazhdon ta ketë një lëndim në shpatull, që po e mundon për një kohë të gjatë dhe nëse detyrohet të operohet, ai do të mungojë tre muaj.
Asnjë operacion nuk është duke u planifikuar ende, me mesfushorin 20-vjeçar – që ndihmoi Mbretërit të triumfojnë në La Liga dhe Ligë të Kampionëve – duke u përgatitur për detyrën ndërkombëtare me Anglinë në Euro 2024 . Megjithatë, fitnesi i tij duhet të menaxhohet me kujdes.
Bellingham pësoi një dislokim në shpatullën e tij të majtë gjatë një takimi me Rayo Vallecano më 5 nëntor 2023. Ai mori 47 paraqitje për Realin në të gjitha garat në sezonin 2023-24, duke shënuar 23 gola, por shpesh iu desh të luante me dhimbje në mënyrë që për të ndihmuar kauzën e Real Madridit pët trofetë kryesor.
Pak pushim do të ketë këtë verë, pasi ai kërkon të ndjekë një trofe të Kampionatit Evropian dhe kjo mund të bëhet një shqetësim për ata në Santiago Bernabeu. Cadena Ser raporton se nëse "trajtimi konservativ" nuk funksionon gjatë javëve të ardhshme, atëherë do të duhet të rezervohet një operacion.
Nëse Bellingham shkon në operim, atëherë ai do të humbasë para-sezonin dhe fillimin e sezonit 2024-25. Pretendohet se ai mund të lihet jashtë fushës për tre muaj, me profesionistët mjekësorë që kanë deklaruar tashmë se problemi nuk do të "riparohet vetë" dhe se ka vetëm pak kohë sa mund të durohet shqetësimi përpara se një procedurë kirurgjikale të bëhet opsioni i vetëm.
