Formacioni startues: Atletico Madrid - Real Madrid, Bellingham starton si sulmues

Atletico Madrid do të përballet edhe një herë me Real Madridin, brenda një periudhë shumë të shkurtër, pasi ditë më parë pësuan humbje 5:3 në Superkupën e Spanjës, që u zhvillua në Arabinë Saudite. Tani kjo përballje është në kuadër të Kupës së Mbretit, në 1/8 e finales dhe trajnerët tashmë kanë publikuar formacionet startuese.

Për çudi, Jude Bellingham sot do të luajë nga minuta e parë si sulmues qëndror, me Ancelottin që mund të jetë motivuar nga numri i golave të shënuar në këtë sezon nga ylli anglez në formë të jashtëzakonshme.

Përballja e sotme zhvillohet në Metropolitano Stadium, pra në atë të Atletico Madridit, me filim nga ora 21:30.

Formacionet startuese:

Diego Simeone do të startojë me dy sulmues, me formacionin 3-5-2.

Atletico Madrid: Oblak; Gimenez, Witsel, Hermoso; Llorente, de Paul, Koke, Niguez, Lino; Morata dhe Griezmann.

Në anën tjetër, Carlo Ancelotti kundërpërgjigjet me formacionin 4-3-3.

Real Madrid: Lunin; Mendy, Fernandez, Rudiger, Carvajal; Valverde, Camavinga, Modric; Vinicius Jr, Rodrygo dhe Bellingham.

Ndeshje të kthimit nuk ka dhe fituesi do të dalë nga kjo përballje, nëse nevojiten edhe penalltitë.