Formacionet zyrtare: Inter - Atletico Madrid | PSV - Dortmund

Liga e Kampionëve vazhdon sot me dy ndeshje të tjera interesante të fazës së 1/8 së finales, ku Interi do ta presë në San Siro Atletico Madridin, ndërsa Borussia Dortmund ka udhëtuar në Holandë për t'u përballuar me PSV-në.

Kur ka mbetur më pak se një orë deri në fillimin e dy takimeve, janë publikuar formacionet zyrtare të skuadrave.

Inter - Atletico Madrid

Interi i Simone Inzaghit po kalon në formë fantastike dhe në këtë përballje do të hyjë si favorit.

Zikaltrit përballen me mungesën e mbrojtësit Francesco Acerbi, i cili ka qenë shtyllë kyçe për skuadrën deri në këtë moment, me Stefan De Vrij që do të vijë si zëvëndësim i tij.

Inter (3-5-2): Sommer; Pavard, De Vrij, Bastoni; Darmian, Barella, Calhanoglu, Mkhitaryan, Dimarco; Thuram dhe Lautaro Martinez (C).

Në anën tjetër Diego Simeone është kundërpërgjigjur me mbrojtje të dendur, duke vendosur pesë lojtarë në vijën e fundit.

Atletico Madrid (5-3-2): Oblak; Lino, Hermoso, Gimenez, Witsel, Molina; Niguez, Koke (C), De Paul; Griezmann dhe Llorente.

PSV Eindhoven - Borussia Dortmund

Përballja tjetër do të zhvillohet në Holandë, ku PSV në formë të mirë e pret Dortmundin që fitoi grupin e vdekjes në Ligë të Kampionëve.

Peter Bosz ka vendosur të luajë me skemë të zakonshme me tre sulmues, tre mesfushorë dhe katër mbrojtës.

PSV (4-3-3): Benitez; Teze, Schouten, Boscagli, Dest; Tillman, Veerman, Saibari; Bakayoko, De Jong (C) dhe Lozano.

Në anën tjetër Edin Terzic, do të luajë me një sulmues qëndror, por që tre të tjerë do të jenë për ndihmë pas tij.

Dortmund (4-2-3-1): Kobel; Maatsen, Schlotterbeck, Hummels, Ryerson; Can (C), Sabitzer; Malen, Rues, Sancho; Fullkrug.

Të dy përballjet fillojnë në ora 21:00, ndërsa ndeshjet e kthimit zhvillohen më 13 mars.