Flick: Barcelona mund ta fitojë Ligën e Kampionëve
Trajneri i Barcelonës Hansi Flick beson se këtë edicion mund ta fitojnë Ligën e Kampionëve.
Katalunasit e kanë nisur për mrekulli nën urdhrat e teknikut gjerman, duke marrë pesë fitore në pesë ndeshje, ndërsa të enjten ia bëjnë sefte në Ligën e Kampionëve ndaj Monacos.
Para ndeshjes, Flick deklaroi se Barcelona edhe mund ta fitojë tërë kompeticionin shkaku që është gati të luajë me klubet më të mëdha.
“Mund ta fitojmë Ligën e Kampionëve”.
“Klubet e mëdha si Barcelona dëshirojnë të fitojnë tituj dhe Liga e Kampionëve është kompeticioni më i mirë në botë”.
“Jemi gati për t’u përballur me më të mirët”, deklaroi ai.
Tashmë janë bërë shumë vite që kur Barcelona nuk e ka fituar këtë kompeticion, pra që nga viti 2015, atëherë kur në sulmin e tyre ndodheshin treshja Neymar, Luis Suarez e Lionel Messi.
Arritja më e madhe në këto vitet e fundit ishte gjysmëfinalja, ku u mposhtën në një përmbysje të çmendur nga Liverpooli, derisa në dy vite dështuan edhe ta kalojnë fazën e grupeve.
Këtë herë, me formatin që ka ndryshuar – blaugranasit e nisin si mysafir i Monacos.
