Federata e Italisë njofton se lojtarët britanikë dhe zviceranë do të trajtohen si qytetarë të Bashkimit Evropian
Federata italiane e futbollit (FIGC) ka njoftuar edhe zyrtarisht vendimin e tyre se do të trajtojë futbollistët britanikë dhe zviceranë si qytetarë të Bashkimit Evropian, kur bëhet fjalë për regjistrimin në skuadra.
Klubet italiane janë në gjendje të nënshkruajnë vetëm dy lojtarë jashtë BE-së në sezon, një problem me të cilin Milani hasi këtë verë pasi bëri një lëvizje për Ruben Loftus-Cheek, duke i lënë ata me vetëm një vend për lojtarë jashtë BE-së në dispozicion.
As Britania e Madhe dhe as Zvicra nuk janë pjesë e Bashkimit Evropian, megjithëse kjo e fundit është pjesë e zonës Shengen.
Siç u njoftua sot, futbollistët në Itali me nënshtetësi britanike dhe zvicerane konsiderohen tashmë të barabartë me qytetarët e BE-së në të gjitha aspektet, një ndryshim që zbatohet nga sezoni 2023-24 e në vazhdim.
Vendimi tani do të thotë që Milani ka dy vende të lira për lojtarët jo-BE në dispozicion në skuadër. Njëra prej tyre do të plotësohet nga anësori i Villarrealit, Samuel Chukwueze, por tjetri është i lirë, duke i dhënë klubit më shumë fleksibilitet në tregun e transferimeve.
Daichi Kamada ishte i lidhur me një lëvizje te kuqezinjtë këtë verë, por raportohet se dështoi fillimisht për shkak të statusit të tij jo-BE.
