"Faleminderit Jurgen" - Tifozët e Liverpoolin krijojnë mozaik special për ndeshjen e fundit të Klopp

Tifozët e Liverpoolit do ta nderojnë trajnerin tashmë legjendar të klubit, Jurgen Klopp, në ndeshjen e tij të fundit kundër Wolves në Anfield.

Klubi ka vendosur tashmë mozaikë të veçantë në Anfield, të cilët do të shfaqen gjatë ndeshjes së fundit të sezonit të Reds kundër Wolves të dielën. Ndeshja do të shënojë fundin e një epoke në klubin Merseyside pasi shefi i tyre legjendar Jurgen Klopp do t'i japë fund tetë viteve e gjysmë lidhje me ekipin.

Mosaics in place for Anfield tomorrow.
‘Danke Jurgen YNWA’ pic.twitter.com/kSr77uD3Qb

— James Pearce (@JamesPearceLFC) May 18, 2024

Gjatë kohës së tij në Anfield, trajneri gjerman e udhëhoqi klubin drejt trofeut të gjashtë të Ligës së Kampionëve në sezonin 2018/19 dhe sezoni pasues i ndihmoi ata të ngrinin titullin e tyre të parë në ligë në tre dekada. Në sezonin e tij të fundit, Liverpool fitoi Kupën Carabao duke mposhtur Chelsean në finale.

Një ditë para ndeshjes së tij të fundit, Klopp njoftoi hyrjen e tij në botën e Instagramit teksa iu drejtua fansave përmes llogarive zyrtare të mediave sociale të Liverpool për t'i bërë të ditur se ai ishte bashkuar me platformën e rrjeteve sociale.

Gjigantët e Merseyside do të synojnë t'i japin një fund të paharrueshëm menaxherit të tyre të dashur duke regjistruar një fitore ndaj skuadrës së Gary O'Neil të dielën.