EURO 2024: Lewandowski mungon në ndeshjen parë të Polonisë në Evropian
Sulmuesi i Polonisë, Robert Lewandowski, do të mungojë në ndeshjen hapëse të kombëtares së tij në EURO 2024 ndaj Holandës, pasi pësoi një lëndim para fillimit të ndeshjes miqësore ndaj Turqisë dje.
Në një komunikim në rrjetet sociale të Polonisë, u tha: "Të hënën në mbrëmje, kombëtarja polake luajti një ndeshje miqësore kundër Turqisë. Ne paraqesim raportin mjekësor të mjekut të kombëtares, Jacek Jaroszewski, në lidhje me lojtarët që pësuan lëndime në këtë ndeshje. Sot, në Enel-Med Szpital Centrum, ne ekzaminuam tre lojtarë që u lënduan në ndeshjen kundër Turqisë... Robert Lewandowski pësoi një këputje të muskulit biceps femoris, gjë që do ta përjashtojë atë nga pjesëmarrja në ndeshjen e parë të turneut. Ne jemi duke bërë gjithçka që Roberti të luajë në ndeshjen e dytë, kundër Austrisë"
.jpg?auto=webp&format=pjpg&width=3840&quality=60)
Raport medyczny po meczu z Turcją:
— Łączy nas piłka (@LaczyNasPilka) June 11, 2024
W poniedziałkowy wieczór reprezentacja Polski rozegrała towarzyski mecz z Turcją. Przedstawiamy raport medyczny lekarza kadry narodowej Jacka Jaroszewskiego, dotyczący zawodników, którzy doznali urazów w tym spotkaniu.
– Dzisiaj w Enel–Med… pic.twitter.com/juwldKkHb7
Polonia luan ndeshjen e dytë të grupit D kundër Austrisë më 21 qershor. Ndeshja e fundit e fazës së grupeve është planifikuar për 25 qershor kundër Francës.
Lewandowski, ndonëse nuk pati formë të lartë sezonin që lamë pas me Barcelonën, vazhdon të mbetet lojtari kryesor i Polonisë dhe shpresa e vetme e kësaj kombëtare, për të kërkuar kalimin e grupeve, pasi përballet me skuadra shumë të forta në grupin D.
