'Efekti Messi' - Inter Miami i kalon me numra në rrjetet sociale gjigantët e NBA-së, NFL-së e MLB-së
Lionel Messi është në proces të 'pushtimit' të Amerikës. Prej transferimit të tij në Inter Miami në MLS, kjo skuadër ka kaluar me numra në rrjetet sociale gjigantët nga NFL, NBA e MLB, që janë shumë të ndjekura në ShBA.
Tetë herë fituesi i Topit të Artë tërhoqi imagjinatën e audiencës së MLS-së kur përfundoi një lëvizje mahnitëse në Shtetet e Bashkuara në vitin 2023. Brenda disa javësh pas mbërritjes së tij në Florida, ai kishte frymëzuar Inter Miami në një triumf historik në Kupën e Ligës dhe e kishte çimentuar veten si lojtari më i dekoruar në histori me trofe.
Prania e tij nuk po ndihet vetëm në fushë, megjithatë, me Messin që rezulton të jetë një ëndërr komerciale. Fanellat e tij kopje janë shitur me një ritëm rekord dhe vazhdon të tërheqë mjaft sponsorë dhe mysafirë të listës A (tifozë VIP) në DRV PNK Stadium.
David Beckham dhe bashkëpronarët e tij janë duke përfituar shumë nga prania e Messit, me zbulimin se Inter Miami tani kryeson shumë listat e mediave sociale në ShBA. Ata mburren me më shumë ndjekës në TikTok (7.3 milion) se çdo ekip në NFL, MLB, NBA dhe NHL – ndërkohë që vetëm superfuqitë e basketbollit LA Lakers, Cleveland Cavaliers dhe Golden State Warriors mund të pretendojnë se janë më të mirën në këtë aspekt se skuadra nga MLS, prej 15.4 milionë ndjekësve në Instagram.
Inter Miami ka parë gjithashtu një rritje në frekuentimin e tyre mesatar në stadium – i cili ishte 12,637 më i keqi në ligë para ardhjes së Messit – me çmimet e biletave që u rritën përpara sezonit 2024, pasi ata kërkojnë të gjenerojnë edhe më shumë fonde në fushë dhe të tërheqin më shumë vëmendje, tani me objektiva që të arrijnë play-offin në sezonin e ri.
