"E preferoj Cristianon", Neville zbulon arsyen pse zgjodhi CR7-në para Leo Messit në debatit e më të mirit në histori

Legjenda e Manchester Unitedit, Gary Neville më në fund ka shpjeguar arsyen pse preferon Cristiano Ronaldon para Lionel Messin, në debatit e më të mirit në histori.

Në dy dekadat e fundit, Ronaldo dhe Messi kanë thyer gati çdo rekord të mundur e gjithnjë ka qenë debati se cili është më i miri i historisë, apo përndryshe "GOAT".

Nevilel që luajti me Ronaldon për gjashtë sezone në "Old Trafford" mes viteve 2003-2009 për "CBS Sports Golazo" ka treguar se preferon portugezin shkaku që e ka pasur bashkëlojtar.

"Mendoj se bashkë me Cristianon, ai (Messi) janë lojtarët më të mirë në histori. Shumë njerëz e preferojnë Messin. Personalisht e preferoj Cristianon sepse kam luajtur me të".

Cristiano shënoi 188 gola dhe dhuroi 43 asistime në 292 ndeshje gjatë sezonit të parë me Manchester Unitedin, duke fituar Ligën e Kampionëve dhe Premierligën tre herë duke luajtur pranë Neville.

Dyshja mund të bëhen rivalë sërish verën tjetër nëse Lionel Messi vendos ta pranojë ofertën e çmendur prej 400 milionë eurove nga Al-Hilal, gjithnjë nëse CR7 nuk largohet nga Al Nassr.

Neville përpos kësaj edhe zgjodhi 11-shen më të mirë në histori të Manchester Unitedit, ku Ronaldo gjithashtu ishte aty.

Sipas tij, kjo është 11-shja më e mirë ndonjëherë: Schmeichel; Evra, Vidic, Ferdinand, Irwin; Beckham, Keane, Scholes, Giggs; Rooney, Ronaldo.