E kryer, Juve arrin marrëveshje me Chelsean për Renato Veigan
Juventusi ka arritur marrëveshje me Chelsean për të huazuar lojtarin Renato Veiga.
“Bianconerët” iu është nevojitur një qendërmbrojtës sidomos pasi dështoi afrimi i Ronald Araujos, ndërsa tashmë marrëveshja është mbyllur me klubin londinez.
Gazetari Fabrizio Romano raporton se huazimi do të kushtojë 5 milionë euro deri në qershor, por nuk përfshihet ndonjë klauzolë blerje.
“Juventusi arrin marrëveshje me Chelsean për të nënshkruar me Renato Veigan, e kryer”.
“Marrëveshje huazimi për 5 milionë euro deri në qershor, nuk ka opsion blerje – pastaj lojtari do të kthehet te Chelsea për të luajtur në Kupën e Botës për klube”.
“Veiga, pritet të luajë si qendërmbrojtës te Juventusi”, shkroi ai ndër të tjera.
🚨⚪️⚫️ EXCLUSIVE: Juventus agree deal with Chelsea to sign Renato Veiga, here we go!
— Fabrizio Romano (@FabrizioRomano) January 22, 2025
Loan deal for €5m loan fee until June, no buy option clause — and then player back to Chelsea at the end of June for Clubs’ World Cup.
Veiga, expected to play as CB at Juventus. pic.twitter.com/2D9tlQyjRE
Juventusi e kishte prioritet afrimin e Araujos, megjithatë ky i fundit ndryshoi mendje pas disa paraqitjeve me Barcelonën dhe vendosi të rinovojë kontratën.
Opsion tjetër ishte edhe Silva i Benficas, mirëpo skuadra portugeze refuzoi edhe të negocionte.
