E konfirmon Interi, Frattesi pëson lëndim dhe mungon ndaj Romës

Interi ka konfirmuar se mesfushori i ardhur këtë sezon, Davide Frattesi, ka pësuar lëndim në kuadriceps, pas disa testeve të realizuara sot.

24-vjeçari italian u la në stol për triumfin e zikaltrëve në Derby d'Italia ndaj Juventusit të dielën në mbrëmje. Trajneri Simone Inzaghi shpjegoi më vonë se klubi nuk ishte i gatshëm të rrezikonte pasi ai pësoi disa dhimbje në stërvitje në ditët para ndeshjes.

Frattesi ka hasur në probleme të depërtojë plotësisht në skuadrën e Interit të Inzaghit në gjashtë muajt e tij të parë në klub, duke parë vetëm 1022 minuta veprim në 27 paraqitje gjithsej. Në këto minuta, ai ka shënuar katër gola dhe ka dhënë katër asistime, duke treguar dhënë kontribut pozitiv.

Siç konfirmohet sot nga Interi, Frattesi iu nënshtrua një raundi testesh mjekësore në Institutin Klinik Humanitas në Rozzano, të cilat nxorën në pah praninë e një tendosjeje miotendinoze në rectus femoris të kofshës së djathtë, në thelb një dëmtim kuadricepsit të djathtë.

Ai do të monitorohet nga afër dhe do t'i nënshtrohet testeve të mëtejshme më vonë këtë javë. Ai tani pritet të mungojë në ndeshjen e ardhshme të Interit në Serie A me Romën më 10 shkurt.