Drita konfirmon largimin e Astrit Thaqit
FC Drita ka konfirmuar largimin e mbrojtësit Astrit Thaqi.
Pas një viti me fanellën e skuadrës gjilanase, Thaqi ka vendosur ta vazhdojë karrierën në një klub tjetër.
Drita e ka falënderuar për kontributin e dhënë, ndërsa i ka uruar suksese në vazhdimësi.
Komunikata e plotë pa ndërhyrje:
“Astrit Thaqi përfundon kontratën me ne
Ju njoftojm që kemi përfunduar marrëveshjen me futbollistin Astrit Thaqi.
Astriti ishte bashkuar me klubin në sezonin 2023/24 dhe është paraqitur në 39 ndeshje në të gjitha kompeticionet.
Astriti ishte njëri prej futbollistëve kyq në skuader dhe FC DRITA i dëshiron shumë suksese në vazhdim të karrierës së tij”, thuhet ndër të tjera në komunikatë.
