Deschamps flet për mungesën e Mbappes: Ju lutem lëreni atë të qetë
Edhe kur nuk është i grumbulluar me Kombëtaren e Francës, i gjithë fokusi përsëri është te Kylian Mbappe.
Në prag të një ndeshjeje të Ligës së Kombeve kundër Izraelit në Paris, trajneri i Francës Didier Deschamps u pyet të mërkurën nëse ai kishte folur me Mbappen për vendimin e tij për të lënë jashtë skuadrës sulmuesin e Real Madridit.
Deschamps fillimisht bëri shaka se kishte pritur që pyetja të bëhej më herët gjatë konferencës për shtyp.
“Dëgjo, e thashë atë që thashë”, tha Deschamps. "Ju jeni të lirë të flisni dhe ta interpretoni këtë. Unë kam një ndeshje nesër, janë 23 lojtarë këtu. Kylian nuk është këtu -- ju lutem lëreni të qetë."
Mbappe gjithashtu mungoi në takimin e mëparshëm në Francë për shkak të një dëmtimi të lehtë në kofshë. Këtë herë ai nuk është i lënduar, por ka probleme me formën e tij, që po tenton ta kthejë sa më shpejt.
Paraqitjet e Mbappes kanë qenë nën nivelin në javët e fundit pasi ai u bashkua me Real Madridin nga PSG këtë verë. Përpjekjet e tij për t'u përshtatur me stilin e lojës së skuadrës së tij të re kanë përkuar me një ndryshim të ashpër të formës për klubin spanjoll.
Mbappe nuk i ka shtuar 48 golat e tij për Francën që nga qershori.
Deschamps javën e kaluar nuk elaboroi në lidhje me zgjedhjen e tij për të luajtur pa Mbappen, por tha se nuk kishte lidhje me raportimet e fundit në mediat suedeze se ish- ylli i Paris Saint-Germain ishte subjekt i një hetimi për përdhunim. Përfaqësuesit e Mbappe i kanë hedhur poshtë raportimet si "të rreme dhe të papërgjegjshme".
Franca luan me Izraelin në shtëpi dhe më pas udhëton për në Itali tre ditë më vonë. Italia kryeson renditjen e grupit pas katër ndeshjeve, një pikë më shumë se Franca. Belgjika është e treta, përpara Izraelit.
Ndeshja e Ligës së Kombeve në Stade de France vjen në një moment të vështirë, me marrëdhëniet diplomatike midis presidentit francez Emmanuel Macron dhe liderit izraelit Benjamin Netanyahu të tensionuara nga lufta e Izraelit në Gaza.
Rreth 4,000 policë do të sigurojnë ngjarjen, të vendosur në stadium, jashtë terrenit dhe në transportin publik, tha forca e policisë së Parisit.
"Është një masë e jashtëzakonshme, tre deri në katër herë më e madhe se ajo që ne zakonisht mobilizojmë," tha shefi i policisë së Parisit Laurent Nunez për radion RTL të mërkurën.
Vetëm flamujt e Francës dhe Izraelit do të lejohen brenda stadiumit, shtoi ai.
