Debuton edhe shqiptari Kacurri, Arsenali e “demolon” Boltonin

Arsenali ka shënuar fitore të thellë ndaj Boltonit, në kuadër të 1/16 së finales për EFL Cup.

“Topçinjtë” zhvilluan një tjetër paraqitje mahnitëse duke fituar me rezultat 5:1, sfidë ku debutoi edhe shqiptari Maldini Kacurri.

Arsenali e nisi shumë mirë duke kaluar në epërsi përmes mesfushorit Declan Rice, që shënoi një gol të bukur me një goditje nga distanca.

Ishte 17-vjeçari Ethan Nwaneri që bashkëpunoi për mrekulli me Raheem Sterling për ta dyfishuar epërsinë (37’).

Nwaneri pastaj e dëshmoi se pse konsiderohet ndër talentët më të mirë, duke u përkujdesur edhe për golin e tretë, si dhe të dytin personal (49’).

Bolton pastaj arriti ta ngushtojë epërsinë me anë të Collins, që u asistua nga McAtee (53’).

Sidoqoftë, Arsenali vazhdoi me dominim. Raheem Sterling realizoi një gol të bukur, që ishte i pari në fanellën e klubit londinez, për ta dërguar rezultatin në 4:1 (64’).

Fitoren pastaj e vulosi Kai Havertz me një gol të bukur (77’).

Kësisoj, Arsenali vazhdon në fazën tjetër ndërsa mbetet të shihet se me cilën skuadër do të takohet në raundin tjetër.