Debutimi më i keq ndonjëherë? Shoya Nakajima i Antalyasporit u përjashtua në sy të familjes

Debutimi në shtëpi i Shoya Nakajima për Antalyasporin do të mbahet për shumë vitet që do vijnë - fatkeqësisht për arsyet e gabuara.

Japonezi nënshkroi marrëveshje dy-vjeçare me klubin turk më herët këtë muaj pasi u largua nga Porto.

Ai bëri paraqitjen e parë për punëdhënësit e ri si zëvendësues i vonshëm kundër Kayserispor, disa ditë më vonë.

Nakajima pastaj debutoi në shtëpi kundër Adana Demirspor të shtunën, duke u futur në lojë në minutën e 59, në vend të Houssam Ghacha.

Kamerat u fokusuan te familja e Nakajimas, e cila po shikonte me krenari, derisa i afërmi i tyre po vraponte drejt fushës.

Por kënaqësia e tyre u shndërrua në zhgënjim disa momente më vonë kur Nakajima u penalizua për një ndërhyrje të rrezikshme në mbrojtësin e krahut të djathtë, Jonas Svensson, i cili mbeti i shtrirë në agoni si rezultat.

Gjyqtari Ali Palabiyik i tregoi zëvendësuesit të verdhin, për befasinë e lojtarëve të Adana Demirspor dhe stafit teknik. Ata menduan se është dashur të ishte i kuq.

Palabiyik pastaj u këshillua të konsultohej me VAR.

Pasi e bëri, u rikthye në fushë, anuloi të verdhin dhe tregoi të kuqin direkt.

Vetëm dy minuta pasi u inkuadrua, anësori japonez ishte përjashtuar për një dush të hershëm.

Ai madje as se kishte prekur topin.

Shikoni më poshtë incidentin.

Debutimet në shtëpi nuk mund të shkojnë më keq, apo jo?

Derisa Nakajima mori rrugë drejt tunelit, pjestarë të familjes së tij u shfaqën të shokuar dhe të thyer në tribuna.

Duke reaguar ndaj pamjeve në rrjetet sociale, komentatorja Jacqui Oatley shkroi: "Nëna e tij e gjorë".

E pamundur të mos bashkëndjesh me familjen e Nakajimas.

Është dashur të ishte një ditë e lumtur, por buzëqeshjet shpejt u kthyen në lot, falë asaj ndërhyrjeje.