De Bruyne i kënaqur që Manchester City u rikthye te fitoret
Kevin de Bruyne bëri paraqitjen e tij të parë nga fillimi që nga shtatori, duke shënuar dhe asistuar në fitoren 3:0 të Manchester Cityt ndaj Nottingham Forest.
Ylli belg u pa i lumtur që City fitoi tre pikët, duke u kthyer në rrugën e fitoreve pas katër humbjeve radhazi në Premierligë.
“Unë mendoj se është thjesht e rëndësishme që ne fituam një ndeshje”, tha mesfushori për faqen zyrtare të klubit të tij. "Ne e filluam lojën mirë, krijuam disa mundësi, ndoshta disa gabime, mendoj edhe veten. Por, ju e dini, jemi të kënaqur me mënyrën se si u paraqitëm."
Belgu, i cili ka hyrë si zëvendësues në ndeshjet e fundit pasi ka munguar një muaj me një tendosje në ijë, tha se lëndimet i kanë kushtuar Cityt për të siguruar kanditaturën për titullin e pestë të ligës radhazi.
"Ka qenë një kohë e vështirë, por ne u përpoqëm ta ndryshonim atë. Fatkeqësisht, ne kemi disa djem që ndoshta janë lënduar, kështu që është ajo që po ndodh këtë vit. Por ne do të përpiqemi të rikuperohemi sa më shpejt të jetë e mundur."
A sweet strike 💥
— Manchester City (@ManCity) December 4, 2024
⚡️ #HighSpeedMoments | @eAndGroup pic.twitter.com/WJOkfKo2zr
De Bruyne ishte gjithashtu i kënaqur që City, i cili ka humbur mesfushorin kryesor, Rodri, për krejt sezonin për shkak të një këputjeje të ligamentit kryqëzor, mbajti portën e parë të pastër në tetë ndeshje në të gjitha garat.
“Ne i dhamë disa raste kundërshtarit, por mendoj se pjesa e dytë ishte shumë e mirë”, shtoi ai.
City, gjendet në vendin e katërt në Premierligë me 26 pikë, dhe viziton Crystal Palacen të shtunën.
