Cristiano Ronaldo pret ftesën nga Prokuroria që të dëshmojë kundër Juves, kërkon borxhin 28 milionësh

Sulmuesi Cristiano Ronaldo thuhet se po pret të dëgjojë nga Zyra e Prokurorit Publik të Torinos pasi vendosi të dëshmojë kundër Juventusit në hetimin në vazhdim të “Prisma”.

Prokurorët në Piemonte po shqyrtojnë nga afër praktikat financiare të “Bianconerëve” gjatë viteve të fundit, duke i akuzuar për falsifikim të fitimeve të tyre kapitale përmes vlerave të fryra të transferimeve të lojtarëve dhe mashtrimit në tregut e aksioneve pasi në fshehtësi ranë dakord të paguajnë pagat e lojtarëve gjatë fazave të hershme të pandemisë COVID-19 .

Siç raporton “TMW”, një figurë e rëndësishme në hetim është ish-ylli i Juventusit, Ronaldo, i cili tani po luan për Al-Nassr në Arabinë Saudite.

Sipas tyre është gjetur një dokument sekret që i premtonte pagat e pezulluara yllit portugez dhe ishte firmosur nga drejtori sportiv i atëhershëm Fabio Paratici, por jo nga vetë lojtari.

Ronaldo nuk u pagua kurrë me 19 milionë euro të diskutuara në këtë dokument dhe është i interesuar të rikuperojë paratë. Ai është i gatshëm të dëshmojë kundër Juventusit në hetimin e Prisma dhe tani pret që Prokuroria Publike e Torinos të kontaktojë me të.

Ekziston një shans që dëshmia e yllit portugez mund të komunikohet përmes një letre, duke e lejuar atë të japë versionin e tij të ngjarjeve nga Arabia Saudite dhe të shmangë udhëtimin në Itali.

Ronaldo gjithashtu mund të bëhet një paditës civil kundër “Zonjës së Vjetër” në mënyrë që të marrë paratë që i detyrohen, duke kërkuar rreth 28 milionë euro në total – 19 milionë euro sipas marrëveshjes plus tarifat ligjore dhe komisionet.