Conte e konfirmon: Kvaratskhelia ka kërkuar të shitet, zhgënjim i madh
Trajneri i Napolit, Antonio Conte, ka konfirmuar se ylli i skuadrës, Khvicha Kvaratskhelia ka kërkuar të shitet, pas raportimeve të vazhdueshme se pritet kalimi i tij në PSG apo te ndonjë skuadër e Premierligës.
“Është një zhgënjim i madh”, tha trajneri i Partenopeit gjatë konferencës së tij për shtyp para ndeshjes të shtunën.
Përfaqësuesit e Kvaratskhelia mendohet se janë në negociata me PSG-në për një lëvizje që në janar. Të dy klubet kanë diskutuar për një tarifë prej 70 milionë eurosh, sipas raportimeve të së shtunës në mëngjes.
PSG thuhet se ka ofruar të përfshijë Milan Skriniar ose Marco Asensio në një marrëveshje me para të gatshme, por Napoli është i interesuar vetëm për vetë tarifën e transferimit.
E ardhmja e Kvaratskhelia ishte tema e parë në rendin e ditës në konferencën për shtyp të Contes para ndeshjes të së dielës kundër Hellas Verona.
“Nuk jam fshehur kurrë nga pyetjet e pakëndshme. Nëse flas, do të them të vërtetën, përndryshe preferoj të hesht, të mos them gënjeshtra”, filloi trajneri ish-trajneri i Interit.
“Ne po flasim për një lojtar të rëndësishëm,” vazhdoi ai. “Një lojtar që tashmë duhej të largohej në verë. Doja të kisha edhe siguri teknike. Duhet edhe cilësi krahas punës që kërkova, si dhe konfirmimi i disa lojtarëve, mes të cilëve edhe Khvicha, që siç e dini, kishte kërkuar të shitej në verë. Dhe ai nuk ishte i vetmi. Ne po ecim përpara, por është e lehtë të harrosh punën që duhej të bëja për të bindur lojtarët, të cilët i konsideroja thelbësorë, të qëndrojnë. Shumë donin të merrnin rrugë të tjera. Ai kërkoi nga klubi që të shitet, pa i prishur fjalët. Kjo është ajo që më është thënë, lojtari më ka konfirmuar vendimin e tij”, vazhdoi Conte.
“Personalisht ndihem shumë i zhgënjyer, sepse kalova gjashtë muaj duke u përpjekur ta bëj Kvara të ndihej në qendër të projektit, duke punuar me të, duke i treguar atij se mund të bënim diçka të madhe dhe gjithashtu duke punuar me klubin për gjashtë muaj për rinovimin. Nga këndvështrimi im, është një zhgënjim i madh. Sot më duhet të bëj një hap prapa. Nuk mund t'i mbaj të lidhur me zinxhirë ata që duan të ikin. Unë e bëra këtë në verë dhe kisha gjashtë muaj për t'i bindur të gjitha palët që të gjenin një zgjidhje. E kuptoj që lajmet kanë dalë të paqarta, por tani po bëj një hap prapa dhe është e drejtë që klubi dhe rrethimi i Kvaras të zgjidhin situatën. Dhe kështu, ai nuk është i disponueshëm për Verona. Do të shohim se çfarë do të ndodhë. Do të humbasim një lojtar të rëndësishëm, por ndërkohë le të fokusohemi te Verona”.
