Como arrin marrëveshje me Real Madridin për talentin Nico Paz
Mesfushori i Real Madridit Nico Paz do t’i bashkohet skuadrës italiane Como.
Trajneri Cesc Fabregas e ka bindur argjentinasin për t’iu bashkuar në projektin e tij, pasi bëri një punë të madhe edhe në afrimin e Raphael Varanes.
Gazetari Fabrizio Romano ka njoftuar se marrëveshja është kryer për 6 milionë euro, ndërsa Reali do të përfitojë 50 për qind të shumës në shitjen e radhës.
“Nico Paz nga Real Madridi te Como, e kryer. Marrëveshja u arrit për mesfushorin talent”.
“Como do të paguajë 6 milionë euro për transferin, plus 50 për qind klauzolë shitje do të ketë Reali për të ardhmen”, shkroi ai ndër të tjera.
🚨🔵 Nico Páz from Real Madrid to Como, here we go! Deal in place for the Argentinian talent.
— Fabrizio Romano (@FabrizioRomano) August 21, 2024
Understand Como will pay €6m fee for permanent transfer PLUS 50% sell-on clause to Real Madrid for future sale.
↪️⚪️ Real also have buy back clause.
Exclusive story, confirmed. 🇦🇷 pic.twitter.com/Ge46E4rd1y
Real Madridi ndërkohë ka vendosur edhe një klauzolë riblerje, ku nëse Paz arrin të shkëlqejë në Serie A mund ta blejnë para ndonjë klubi tjetër të interesuar.
Como ndërkohë ia bëri Serie A-së sefte me humbje, nga Juventusi që dominuan bindshëm për të fituar me rezultat 3:0.
