Chelsea nuk e lejon kalimin e Christian Pulisic te Manchester Unitedi
Chelsea do të bllokojë interesimin e Manchester Unitedit për Christian Pulisic pasi ata nuk janë të gatshëm ta lënë amerikanin t'i bashkohet një rivali.
Anësori është i etur për një largim nga “Stamford Bridge” pasi dëshiron të luajë rregullisht futboll përpara Kupës së Botës, e cila fillon në nëntor të këtij viti.
United po përpiqet të nënshkruajë me disa lojtarë përpara mbylljes së afatit kalimtar dhe ata e kanë identifikuar Pulisic si një zgjidhje për problemet e tyre në sulm, me amerikanin të aftë për të luajtur në të dy krahët e sulmit.
Pulisic, nga ana e tij, është i hapur për një lëvizje në “Old Trafford” dhe United janë të prirur t'i ofrojnë atij një huazim për një sezon, por nuk dihet nëse do të ekzistojë opsioni i blerjes.
Chelsea është simpatik ndaj vendimit të Pulisic për të dëshiruar të largohet nga klubi dhe ata do të sanksionojnë largimin e tij.
Megjithatë, sipas “BBC”, Chelsea do të bllokojë interesin e United pasi ata nuk janë të gatshëm ta lënë atë t'i bashkohet një rivali të drejtpërdrejtë.
Megjithëse United ka humbur dy ndeshjet e para të Premierligës këtë sezon, skuadra e Erik ten Hag po përpiqet të garojë për një vend në top katërshe.
Pavarësisht problemeve të tij me lëndime, Pulisic mbetet një talent i shkëlqyer dhe lojtarë si Newcastle kanë shprehur një interes për të gjatë muajit të kaluar, mirëpo nuk kanë bërë asnjë ofertë zyrtare.
Pulisic mbetet i interesuar të largohet nga klubi pas ardhjes së Raheem Sterling nga Manchester City, gjë që e ka shtyrë atë edhe më poshtë te lista e trajnerit Thomas Tuchel.
United ka dështuar me ofertat për të nënshkruar Antony nga Ajax, ndërsa ata ende nuk kanë qenë të suksesshëm në një ofertë për yllin e PSV, Cody Gakpo.
Ndërkohë, gjiganti anglez është pranë nënshkrimit me yllin e Real Madridit, Casemiro i cili mbetet i hapur për kalimin në “Old Trafford”, por një marrëveshje e tillë ende s’është e kryer.
