Chelsea e rivalizon Manchester Cityn për yllin e Interit

Chelsea dhe Manchester City, raportohet se janë të interesuara për të nënshkruar për yllin italian të Interit, Alessandro Bastoni, në verën e vitit 2024.

Të dy klubet e Premierligës po peshojnë për një ofertë të mundshme për italianin Bastoni vitin e ardhshëm, sipas Calciomercato. Sipas raportimit, të kaltrit synojnë të forcojnë mbrojtjen e tyre, pasi është e mundur që qendërmbrojtësi veteran Thiago Silva të largohet nga Stamford Bridge kur t'i skadojë kontrata në verë. Nga ana tjetër, City me sa duket po kërkon fytyra të reja në qendër të mbrojtjes pasi ata vazhdimisht punojnë për t'u përmirësuar si njësi nën Pep Guardiolën.

Është raportuar se Interi do të ishte i përgatitur të linte Bastonin të largohej në fund të sezonit aktual. Thuhet se klubi italian duhet të shesë 24-vjeçarin për të përforcuar skuadrën e tyre, pasi zikaltrit kanë një politikë të rreptë transferimi për t'iu përmbajtur për shkak të kufizimeve buxhetore. Interi do të ishte i përgatitur të fillojë bisedimet me blerësit e mundshëm për Bastonin nëse plotësohet vlerësimi i tyre prej 60 milionë £ (73 milionë dollarë).

Ndërsa Interi është i hapur për shitje, është e mundur që një marrëveshje e arritur në janar mund të jetë e vështirë. Bastoni ka të ngjarë të shohë sezonin 2023-24 në San Siro përpara se të vendosë për lëvizjen e tij të ardhshme.