Chelsea e arrin fitoren e pestë me radhë në Ligën e Konferencës, e mposht lehtësisht Astanën
Chelsea ka shënuar edhe fitoren e pestë me radhë në Ligën e Konferencës, duke triumfuar 3:1 ndaj Astanës, ndonëse luajti me shumë nga lojtarët e rinj.
Enzo Maresca vendosi të udhëtonte te Astana me lojtarë të rinj dhe vetëm disa nga ekipi i parë, me arsyen kryesore që ishte rruga e gjatë për të udhëtuar.
Skuadra londineze e dominoi tërësisht takimin, duke pasur posedimin e topit mbi 70% të kohës, e krijoi shumë raste për gol.
Goli i parë erdhi shumë herët. Marc Guiu realizoi për 1:0 në minutën e 14-të, i asistuar nga Pedro Neto.
🚨🇪🇺 GOAL | Astana 0-1 Chelsea | Marc Guiu
— Tekkers Foot (@tekkersfoot) December 12, 2024
MARC GUIU OPENS THE SCORING FOR CHELSEA!pic.twitter.com/N7UFPMXZqp
Sulmuesi 18-vjeçar spanjoll e shënoi edhe golin e dytë personal, kur e dyfishoi rezultatin në minutën e 19-të.
🚨🇪🇺 GOAL | Astana 0-2 Chelsea | Marochkin (OG)
— Tekkers Foot (@tekkersfoot) December 12, 2024
OWN GOAL FROM MAROCHKIN!pic.twitter.com/VBLcsIULw3
Dewsbury-Hall asistoi te Renato Veiga, i cili realizoi për 3:0 në minutën e 40-të.
🚨🇪🇺 GOAL | Astana 0-3 Chelsea | Renato Veiga
— Tekkers Foot (@tekkersfoot) December 12, 2024
RENATO VEIGA MAKES IT THREE FOR CHELSEA!pic.twitter.com/XYRHbv082d
Astana e ngushtoi rezultatin në 3:1 në minutën e fundit të pjesës së parë, me golin e Tomasov.
🚨🇪🇺 GOAL | Astana 1-3 Chelsea | Marin Tomasov
— Tekkers Foot (@tekkersfoot) December 12, 2024
MARIN TOMASOV PULLS ONE BACK FOR ASTANA!pic.twitter.com/BhilK7LE7x
Chelsea e vazhdoi dominimin edhe në pjesën e dytë, por në rezultat nuk ndryshoi asgjë dhe në fund triumfuan 3:1 ndaj Astanës.
Gjiganti anglez kështu vazhdon me rekord 100% të fitoreve në Ligë të Konferencës, pasi ka grumbulluar 15 pikë në pesë paraqitje, e ndjekur nga Legia e Varshavës, e cila është e vetmja skuadër që ka rekord të njëjtë në këtë garë, por me një ndeshje më pak momentalisht.
