Calhanoglu tentoi të siguronte kontratë të re me Interin duke përdorur interesimin e Bayern Munich
Hakan Calhanoglu dhe agjenti i tij, Gordon Stipic, raportohet se tentuan të sigurojnë një kontratë të re me Interin, duke përdorur interesimin e Bayern Munich.
Në javët e fundit, raportime të shumta nga Turqia dhe Gjermania detajuan interesin e gjigantëve bavarez për të blerë yllin zikaltërve këtë verë. Ai dukej i hapur ndaj lëvizjes dhe ishte në kontakt me klubin, i cili po konsideronte të niste një ofertë prej 70 milionë euro për nënshkrimin e tij.
Pas ditësh pasigurie, Calhanoglu më në fund foli dhe lëshoi një deklaratë duke konfirmuar synimet e tij për të ecur përpara me Interin pavarësisht interesimit të Bayern Munich, duke mbyllur idenë e një lëvizjeje të mundshme këtë verë.
Calhanoglu donte marrëveshje të re me Interin
Gazzetta dello Sport detajon se si Calhanoglu dhe agjenti i tij Stipic u përpoqën të përdorin interesimin e Bayernit për të siguruar një kontratë të re me Interin që do të përfshinte një vit shtesë në marrëveshjen e tij aktuale dhe një rritje të lehtë pagash.
Drejtuesit e Interit e mbyllën menjëherë idenë, duke e bërë të qartë se një kontratë e re nuk do të ofrohej, duke bërë që mesfushori turk të tërhiqej dhe të përjashtonte një lëvizje te gjiganti bavarez.
