Caku kryesor i Liverpoolit, De Zerbi, bëhet kandidati kryesor për trajner te Bayern Munich

Synimi i Liverpoolit, Roberto De Zerbi, është cilësuar si kandidati kryesor për të marrë drejtimin e Bayern Munich, pasi të dy klubet së fundmi u refuzuan nga Xabi Alonso, që tha se do të qëndrojë te Bayer Leverkusen.

Pas lajmeve të mëdha të javës së kaluar se Xabi Alonso synon të qëndrojë besnik ndaj klubit aktual Bayer Leverkusen, The Times raporton se vëmendja në Mynih tani është kthyer te De Zerbi. Italiani thuhet se admirohet nga drejtori i ri i Bayern, Max Eberl, me klubin tashmë në lëvizje për të vlerësuar interesin dhe disponueshmërinë e tij. Ruben Amorim i Sporting CP është emri tjetër në listën e tyre të ngushtë.

Liverpool po synonte gjithashtu Alonson si zëvendësues për Jurgen Klopp, por gjithashtu i ka kushtuar vëmendje De Zerbit. Amorim është një tjetër i lidhur fort me Anfield, duke sugjeruar se ka shumë potencial që Liverpool dhe Bayern të përplasen në javët e ardhshme. De Zerbi ka përfitimin e shtuar që tashmë flet anglisht - por jo gjermanisht - dhe është dëshmuar në Premierligë pasi ka bërë një punë të mirë me Brighton. Sezonin e kaluar, Pulëbardhat arritën përfundimin e tyre më të lartë në ligë (të gjashtit në elitën angleze) dhe u kualifikuan për futbollin evropian për herë të parë ndonjëherë.

De Zerbi e la të ardhmen e tij mjaft të hapur kur foli përpara humbjes 2:1 të Brighton ndaj Liverpool të dielën: "Unë dua të flas me klubin tim. Unë kam një kontratë, por problemi nuk është kontrata, problemi është të gjesh të njëjtën gjë, të njëjtin plan, të njëjtin objektiv, të njëjtin vizion për të ardhmen.

“Nuk kam vendosur ende se cila është e ardhmja ime, sepse kam kontratën, por gjithsesi dua të flas me [pronarin] Tony [Bloom], klubin tim, për të kuptuar planin e tyre, për të kuptuar planin e tij, planin e Tonit. Pastaj vendimin e marrim bashkë, pa probleme. Dua te ruaj ambicien time,motivimin tim. Jetoj per futbollin 24 ore ne dite. Dua te di cili eshte plani, si eshte projekti, cila eshte e ardhmja sepse nese nuk ndihem rehat, nuk ndjej motivimin e duhur, nuk mund të qëndroj më".

Para suksesit të tij me Brighton, De Zerbi kishte bërë emër duke bërë gjëra të ngjashme të mira me Sassuolo. Nën drejtimin e tij, klubi, i cili e kishte kaluar historinë e tij në ligat më të ulëta të Italisë para vitit 2013, gëzoi vendin e tetë në Serie A në 2019/20 dhe 2020/21. Tre nga ekipi i tij Sassuolo ishin atëherë pjesë e skuadrës fitimtare të Italisë në Euro 2020.

E thënë thjesht, De Zerbi së shpejti do të ketë shumë për të marrë në konsideratë. Bazuar në komentet e tij të fundit, duket sikur ai është i përgatitur të qëndrojë në Brighton vetëm nëse klubi mund të përmbushë ambiciet e tij, pasi është larguar pak nga sukseset e sezonit të kaluar. Bayerni do të ishte një sfidë më e madhe, kalimi në një vend krejt të ri, megjithëse nuk është sikur nuk e ka bërë më parë pasi ka punuar jashtë vendit në Ukrainë, me Shakhtar Donetsk dhe Anglinë në karrierën e tij deri më sot. Por niveli i konkurrencës për të fituar Premierligën do të ishte shumë më i ashpër.