Boksieri amerikan cak i një sulmi me armë në Florida

Boksieri në Artet Marciale të Përziera (UFC), Ramon Taveras, ka thënë se një grup i armatosur tentuan ta qëllonin atë jashtë shtëpisë së mamasë së tij në Duval të Floridës.

Taveras, 30 vjeç, publikoi pamjet e incidentit më 29 korrik, të cilat tregojnë një makinë që kalonte pranë dhe hapte zjarr teksa ai dilte nga shtëpia.

Amerikani, i cili lindi dhe u rrit në Jacksonville, humbi vëllain e tij nga dhuna me armë në 2019.

"Vrasësit e tij nuk janë kapur ende. Tani e gjej veten pothuajse në të njëjtën situatë," shkroi Taveras në Instagram.

“Familja ime ndihet e pasigurt dhe kam frikë për fëmijët e mi, të cilët për pak nuk humbën babanë e tyre, personin që përpiqet të ndryshojë jetën e tyre. Është tragjike që kam kaq shumë dashuri për qytetin tim, por jam i detyruar të largohem”.

Kishte 157 vrasje në Jacksonville në vitin 2023, me të shtëna me armë zjarri që përbënin 123 nga ato vdekje.

Taveras raportoi të shtënat në Zyrën e Sherifit të Jacksonville.

"Ata supozuan se isha në shënjestër për shkak të 'dhunës së bandave' ose një problemi që shkaktova. Unë nuk shqetësoj askënd, qëndroj në korsinë time, fokusohem në karrierën dhe familjen time. Edhe pasi e shpjeguan këtë, ata vazhduan të mendojnë se isha i përfshirë në diçka që solli këtë rezultat mbi veten time”, tha ai.

"Askush nuk është perfekt dhe të gjithë kanë një të kaluar. Megjithatë, unë kam ndryshuar dukshëm nga ajo që isha 10 vjet më parë. Që një incident i tillë të ndodhë nga askund është alarmante. Kjo më bën të shoh jetën dhe familjen time me një lente krejtësisht të ndryshme. Ky është një realitet i përditshëm në qytetin tim; unë nuk jam i pari, as nuk do të jem i fundit”.

Taveras, i cili është baba i katër fëmijëve, thotë se tani synon të largohet nga Duval County, për shkak të këtij rasti.