Benzema: Vinicius Junior e meriton Topin e Artë
Sulmuesi i Al Ittihadit Karim Benzema thotë se ylli i Real Madridit Vinicius Junior e meriton Topin e Artë.
Gara për Topin e Artë është bërë interesante pasi Spanja e fitoi Kampionatin Evropian, ngase tani edhe Rodri e Dani Carvajal i janë bashkuar garës.
Megjithatë, Benzema thotë se braziliani e meriton Topin e Artë shkaku i sezonit fantastik që ka kaluar.
“Topi i Artë? Do të them se e meriton Vini shkaku i sezonit dhe jo vetëm për atë që ka bërë këtë vit, por edhe të kaluarin”.
“Ishte mbi të tjerët me futbollin e tij dhe ajo që bën me top. Është fëmijë, futbollist i kompletuar”.
“Ai mund t’i fitojë ndeshjet i vetëm, sigurisht me ndihmën e bashkëlojtarëve, por është shumë i mirë kur Real Madridi ka nevojë për të prandaj e meriton”.
“Gjithmonë është aty dhe e ka dëshmuar vetën. Për të gjitha këto, favoriti im është Vini”, deklaroi ai.
