Bellingham kritikohet për paraqitje të keqe në barazimin me Slloveninë

Ylli i Real Madridit, Jude Bellingham, u përball me zemërimin e tifozëve anglezë, pasi këta të fundit thanë se mesfushori pati paraqitje prej një dembeli në barazimin pa gola me Slloveninë.

Ishte një tjetër paraqitje e dobët nga kombëtarja angleze pasi ata ishin të bllokuar nga një mbrojtje e vendosur e Sllovenisë, e cila bëri një rezistencë të jashtëzakonshme për të ndaluar Harry Kane dhe të tjerët të gjenin rrjetën të martën në mbrëmje. Anglia po kërkonte frymëzim kreativ dhe me Bellinghamin që nuk ishte në formën më të mirë të tij, veçanërisht teksa ndeshja vazhdonte, atyre iu mungonte avantazhi në sulm.

Një tifoz anglez, @InvertTheWing, kritikoi Bellinghamin dhe shkroi: "Largojeni Jude Bellinghamin nga fusha. Kjo është një paraqitje absolutisht, e neveritshme, dembel. Çfarë turpi për vendin. Ju nuk po luani për klubin tuaj, nuk po luani për vetë, po luani për njerëzit e kombit”.

Ndërsa një tjetër, @SxrgioSZN, ishte pak më sarkastik dhe shkroi: "Asnjë lojtar i Anglisë nuk bërtiti VAMOS më shumë herë se Bellingham vs Slloveni (tetë herë)👏🏼".

Ndërkohë, @wembley_13, shkroi: "🚨LAJMI I FUNDIT : UEFA ka vendosur të mos japë çmimin motm për ndeshjen Angli - Slloveni sepse të gjitha ishin m*t."

Ndërsa, @Cruise_Travel63, shprehu zhgënjimin e tij dhe shkroi: "Tmerr. Çdo grup tjetër dhe ne do të ishim të eliminuar. Danimarka, Serbia dhe Sllovenia janë më keq se ne... si dhe Skocia... tani shikoni se kush na ka mbetur për të na rrahur."

Pavarësisht një ecurie jo mbresëlënëse në Euro 2024, Anglia ka arritur të dalë në krye të grupit. Ata shkojnë në 1/8 e finales me pesë pikë të grumbulluara, pasi fituan kundër Serbisë dhe barazuan dy ndeshjet e ardhshme kundër Danimarkës dhe Sllovenisë.

Bellingham pati një paraqitje të dobët kundër Sllovenisë pasi krijoi zero raste, nuk pati gjuajtje dhe madje humbi posedimin më së shumti herë (16) për ekipin e tij. Nuk ishte vetëm një ditë e keqe për Bellinghamin, pasi ai kishte qenë vazhdimisht i dobët në Euro, duke regjistruar vetëm një goditje dhe duke krijuar vetëm një shans në të tre ndeshjet.

Anglia duhet të përmirësohet ndjeshëm nëse dëshiron të shkojë më larg në këtë turne. Ata potencialisht mund të përballen me Holandën nga Grupi D, e cila është kualifikuar si një nga katër skuadrat më të mira të vendit të tretë, duke qenë se Çekia ose Gjeorgjia nuk arrijnë të fitojnë ndeshjet e tyre përkatëse në Grupin F. Ndeshja e 1/8 së finales do të zhvillohet më 30 qershor në Veltins-Arena në Gelsenkirchen.