Belgjika triumfon bindshëm ndaj Azerbajxhanit dhe kualifikohet në “Euro 2024” si lider

Belgjika ka shënuar fitore të thellë ndaj Azerbajxhanit, për të avancuar si lider i grupit F në Kampionatin Evropian “Euro 2024”.

Belgët ishin shumë herë më të mirë se skuadra e Gianni de Biasit, për të fituar në fund me rezultat të thellë 5:0.

Pas vetëm 17 minutave lojë, Romelu Lukaku kaloi Belgjikën në epërsi duke shënuar pas një asistimi fantastik të Jeremy Dokut.

Dominimi i vendasve vazhdoi me yllin e Romës që dyfishoi epërsinë nga afërsia pas një asistimi të Castanges (26’).

Kurse, katër minuta më vonë e kompletoi het-trikun duke shënuar pasi pranoi një top fantastik nga Faes (30’).

Lukaku s’u ndal më kaq duke realizuar edhe golin e katërt shtatë minuta më vonë, ku këtë herë u asistua nga Mangala (37’).

Belgjika vazhdoi të ishte shumë herë më e mirë duke krijuar raste të njëpasnjëshme, por golin e fitores nuk e realizuan deri vonë.

Ishte ylli i Arsenalit Leandro Trossard që vulosi fitoren me kokë pas asistimit të Dokut (90’).

Kësisoj, Belgjika avancon si lider me 20 pikë, derisa Austria kualifikohet si pozitë e dytë me 19 sosh.