Bayern Munich përgatitet për një ofertë të përmirësuar në drejtim të Tottenhamit për Harry Kane
Kampioni i Gjermanisë, Bayern Munich, raportohet se është duke përgatitur një ofertë të re dhe më joshëse për Tottenham Hotspur për sulmuesin anglez, Harry Kane.
Tottenhami thuhet se ka refuzuar ofertat prej 80 dhe 90 milionë euro nga Bayern Munich, por skuadra gjermane duket e vendosur të rrisë ofertën e tyre për sulmuesin. The Guardian sugjeron se CEO i kampionit të Bundesligës, Jan-Christian Dreesen dhe drejtori teknik, Marco Neppe, do të diskutojnë një lëvizje të mundshme për 30-vjeçarin javën e ardhshme kur të udhëtojnë për në Londër, pavarësisht se fluturimi i tyre të premten u anulua.
Kapitenit të Anglisë i skadon kontrata me Spurs në verën e vitit 2024 dhe megjithëse skuadra e Londrës veriore i ka ofruar atij një marrëveshje të përmirësuar, nuk ka shenja se ai do të zgjasë qëndrimin e tij në Londrën veriore. Por Daniel Levy thuhet se po kërkon gati 115 milionë euro për asetin e tij më të çmuar në klub.
Bayern Munich besohet se po përgatit një propozim të ri prej afër 100 milionë euro për Kane, i cili ishte gjithashtu një objektiv i raportuar për Paris Saint-Germainin dhe Manchester Unitedin në fillim të kësaj vere. Trajneri i ri i Tottenhamit, Ange Postecoglou është gjithashtu i prirë për të mbajtur sulmuesin për sezonin e ardhshëm.
